Study Motivation for Exam | Hindi Motivational video for students



Check out my official merchandise: https://www.fanstoreindia.com/artist/abbyviral/
Exams are coming, ignore whatsapp, facebook, friends, girlfriend/Boyfriend and stay focused. This is a hindi motivational video for the students of India who want to score good marks in the coming exam. I hope this will be helpful for everyone.

Like me on Facebook: https://www.facebook.com/abbyviral/
Instagram: instagram.com/abbyviral

Exam motivation video hai ye.
Aane vale hain exams, aap logo kya irada hai
Young India ko batana chahta hoon, k unki value desh me sabse zayada hai
Aap mehnat karoge to hum sabko pride hoga
Is desh ka bhavishya, aap logo ki education se decide hoga
Isiliye Zimmedaar bano…samajhdaar bano…Kabil bano…Shaktishaali bano…shakti gyaan ki..knowledge ki…acche education ki…
Kyunki agar ek sath mil jaye mehnat aur gyaan
to is duniya me sab kuch hai aasan
ye sun kar pressure mat feel karna, mat hona pareshan
Is video ke zariye hum nikalenge aapki duvidha ka samadhaan

Zindagi me kabhi compromise na karna pade,
Apni choice pe ade reh sako
Aapko khud is kabil banna padega
Ke apne pairo pe khade reh sako
Problems ko report kar sako
Apni family ko support kar sako
Apne sapno ki chadar ko, gyaan ki dori se see sako
Zaruraton ke hisab se nahi, chahato ke hisab se jee sako
Ek acchi job ya ek bada business kar sako
Samaj me shaan se jee sako…

Ye sab kuch possible hai…aur ye sab kuch aasan hai education se

Aaj se hi apne aalas ko bhaga do,
Exams aane vale hain yar, poori jaan laga do

Abhi bhi der nahi huyi hai… Mere 10th ke preboards me 29% aaye the, 4 subject me fail tha…aur math me..haha maths me to sirf 3 number aaye the.
20 din baad board ke exams the…Papa ne bola ek sal drop karva do..
Poori family disappointed thi jaise maine kisi ka khoon kar diya ho…
Maien poore saal timepass kiya dost, mobile aur computer games me.
Fir dimag ko shaant kiya…aur kaha k mai dunga exam…ho jayega…kyunki ye bhi hona “aasan hai{sandeep}”
Poori jaan laga di…din raat ek kar diya…Exam ke patterns ko samjha…kis topic se kitne number ka question aata hai…Theory part ko Likh likh ke yaad kiya…Formulas ko sticky notes pe laga ke deevaro pe chipka dia…jab bhi nazar padti thi mera revise ho jata
Time divide kar liya calculations kar ke ki kis subject ko kitna time dena hai…schedule ko poori shiddat se follow kiya..
Kabhi kabhi kuch cheeze samajh me nahi aati thi…obviously yar poora saal time pass kiya…class me teachers ki baat suni hi nahi…apni hi duniya me khoya rehta tha, kaha se itni jaldi samajh me aati…
To un topics and un concepts ko baar baar padha…repeat mode pe…likh likh ke yaad kiya aur dimag me fit kar liya…
Kabhi kabhi bore ho jata tha…man hi nahi karta tha k ek minute bhi aur padhu…Bahar jin baccho ke exams khatam ko gaye the unki cricket khelne ki aavaz sun ke man karta tha k mai bhi jaake khelu…Kuch TV shows jinko regular follow karta tha uske bare me vichaar aate the k abhi kya chal raha hoga usme…
Lekin fir bhi zabardasti…apni icchao ko maar ke aur ye soach ke k bas 20-25 dino ki baat hai…fir to aish marunga ek do months k liye…bas isi motivation se padhta raha…
2 mahine baad result aaane se pehle
Ma ho raha tha pareshan
lekin log hue hairaan
81% marks…us time 10th me Grade system nahi tha… Social Science me 86, Sanskrit me 96 bas sala maths me 69 aaye baki sab me 80 paar
Us din samajh me aaya k kuch bhi namunkin nahi hai yar… 20 din me bhi chamatkaar ho sakta hai… Fir engineering me gaya to vaha poora semester na padh ke bhi ek raat me logo ko padh ke top karte hue dekha…
Yar in logo ke pas koi extra dimag nahi hota…sab hamari tarah hi hote hain… Aapko bas patterns ko samajhna hai k exams me kis tarah ke questions aane vale hain
Ye nahi k index aur preface bhi padh rahe ho baith ke…

Exam Hacks :

1. Binaural Beats: YouTube pe search karo, 2-2 ghante ka audio mil jayega. Padhte padhte memory power and concentration ko badhane ke liye sun sakte ho earphones laga ke.

2. Supernotes: bahot imp formulas, concepts, dates etc ko yad rakhne k liye uske supernotes bana ke deevar pe chipka lo…sote jaagte bas vahi dikhna chahiye.

3. Understanding the patterns: Exam ke patterns ko samjho, kis tarah k questions puche jayenge…6 number k questions kis chapter se aayenge…12 number vala kaha se aayenge. Pichle kuch salo ke Question papers ko study karo.
4. Make your own codes: Meri maths ki teacher ne mujhe jab trignometry sikhayi to sin theta cos theta etc ka formula yaad karne ke liye ye mantra diya tha
Pandit badri Prashad har har bole sona chandi tole
Chemistry me periodic table yaad karne ke liye
Mnemonic for Group 2: Beta Mange Car Scooter Baap rone se Raazi

Video credits:
https://videos.pexels.com

https://pixabay.com
Sundar Pitchai Video: https://www.youtube.com/watch?v=vWLcyFtni6U
Music: https://www.youtube.com/user/djinkarnate
Study Motivation for Exam | Hindi Motivational video for students
#Study #Motivation #Exam #Hindi #Motivational #video #students

Youtube